ابداع شباب

ابداع شباب


 
الرئيسيةبحـثالتسجيلدخول
وحشتونى وحشتونى وحشتونى وحشتووووووووووووووووووووووونى
اهلا وسهلا باعضاء وزوار منتدى ابداع شباب
اهلا اهلا بالعيد
كل سنه وانتوا طيبين عيد سعيد
انتو فين يجماعه عاوز اشوف جهدكم المتميز وارجو المزاكره الجيده بردو عشان الامتحانات قربت

شاطر | 
 

 حوار مسؤل

اذهب الى الأسفل 
كاتب الموضوعرسالة
ebrahimovic
المدير
المدير
avatar

عدد المساهمات : 301
تاريخ التسجيل : 23/10/2009
العمر : 30
الموقع : islamway.com

24102009
مُساهمةحوار مسؤل

[center]بسم الله الرحمن الرحيم

اما بعد

اخواني الاعزاي

منتدي شباب ابداع

يقدم

حوار مع مسؤل مهم في الدوله

وكان علي النمط التالي:

sبقلم: د. جابر قميحة

لم أصدق نفسي وأنا أرى رجال الأمن يسمحون لي بأن ألتقي في حوار أدبي مع الرأس الكبير جدًّا، ومن عجب ألا يسألني عن اسمي وهويتي. وكل ما قدمت به نفسي "أنا صحفي مسئول عن ركن الأدب في خمس صحف عالمية"، وقلت له: "إن الجماهير تتلهف لقراءة كلمات سيادتكم في هذه المناسبة الحزينة، مناسبة موت أديب العربية والعروبة ومصر: نجيب محفوظ، ومعروف أنكم تعشقون الأدب وخير من يلقي الأضواء على شخصية الفقيد العزيز، وعلى أدبه".



ورأيت الرأس الكبير يميل برأسه في شعور واضح بالازدهاء والإعجاب بالنفس، ورأيته يشير لي بيده: تفضل، وسأجيبك على كل سؤال تطرحه عليّ.



*********

س- ما رأيكم في أعمال نجيب محفوظ؟

ج- وهي دي عايزة سؤال؟! الراجل الحمد لله،- وكلنا يعرف ذلك-: كل أعماله طيبة ستقوده إلى الجنة إن شاء الله، فلم يعرف عنه أنه أساء إلى أي شخص في حياته.



س- معذرة يا سيدي: أنا أقصد إنتاجه!!

ج- لأ، نجيب محفوظ راجل على الله، زيي وزيك، وليس له إنتاج نهائيًّا، فهو لا يملك مصنعًا، ولا سوبر ماركت، ولا مكتب استيراد وتصدير، يعني راجل على الله مالوش أي إنتاج.



س- معذرة يا سيدي أنا أقصد الكتب التي أصدرها!!

ج- طيب يا أخي لازم تكون واضح، كتب نجيب محفوظ أنا قريتها كلها، من الجلدة للجلدة، وبالمناسبة دي عندنا واحد اسمه "عماد الجلدة" قدم للمحاكمة، وأنا كان رأيي في القضية دي......



س- معذرة يا سيدي لنترك هذا الآن ونعيش مع الكتب: ماذا قرأت من هذه الكتب؟

ج- الله!! هو اللي حنقوله نعيده تاني؟! يا أخي بقولك أنا قريت كل الكتب اللي أصدرها.



س- فما رأي سيادتكم في المضمون الفكري لهذه الكتب؟

ج- لأ دي حاجة ميكفيهاش ساعات وساعات. أرجو أن يكون كلامك محدد.



س- ما رأي سيادتكم في الجانب التصويري في كتب نجيب محفوظ؟

ج- الله!!! تصوير إيه وبتاع إيه؟ الراجل عاش طول عمره لا يحب التصوير والمصورين ولا يحب الشهرة.



س- أنا أقصد يا فندم الصور التي طرحها في كتبه!

ج- أهو إنت قلتها بعضمة لسانك، الرجل طرح الصور، يعني رفضها، يعني مكانش يهمه حكاية الصور دي.



س- ما شاء الله، ما شاء الله!!!!، طيب إيه رأي سيادتك في أدائه التعبيري؟

ج- أداء إيه وبتاع إيه إللي أنت جاي تتكلم فيه؟، الراجل قولتلك كان عايش عيشة عادية، يكفي نفسه بنفسه. يعني عمره ما استلف من حد مليم، وليس عليه ديون، تقوم تقول لي الأداء، هو استلف من حد حاجة علشان يؤدي الدين ده؟!!!



س- طيب سيادتك هنكون أكثر تحديدًا: سيادتك هل قرأت ثلاثية نجيب محفوظ: السكرية وقصر الشوق وبين القصرين؟.

ج- طبعًا قريتها، واستغربت ليه خلاها ثلاثية، الله!!! ميكملها رباعية وخماسية لغاية ما يوصل للعشرية. بذمتك ده مش يعتبر فايدته أكتر لجيله وللأجيال اللي جايه؟!



س- ما شاء الله ما شاء الله!!! يا ليته كان حيًّا لكي يأخذ بنصيحة سيادتكم. سيادتكم تعلم أن بعض قصصه حُول إلى أفلام سينمائية. فما رأيك في هذه الأفلام؟

ج- منهم لله بوظوا قصص الراجل العظيم: أنا شوفت فيلم مأخوذ عن قصة نجيب محفوظ اسمه "السمان والخريف"، شفت الفيلم كله ما لقيتش فيه سمانة واحدة. عندك حاجة تانية شفت فيلم تاني مأخوذ من قصته الكرنك، تصور مفيش أثر واحد من آثار قدماء المصريين في الفيلم كله.



يعني بوظوا قصص الراجل العظيم بتحويلها إلى أفلام سينمائية. ويظهر إن ده طبع في كل السينمائيين في العالم كله. يعني مرة شفت فيلم أمريكي اسمه "راس بوتين"، قعدت طول الفيلم أدوَّر على الراس بتاعة بوتين، ما لقيتش لا راس ولا بتاع!!



س- ما شاء الله ما شاء الله!!!. كيف نحيي ذكرى نجيب محفوظ؟

ج- والله الحكاية دي تسأل فيها عائلة نجيب محفوظ نفسه.



س- أسأل سيادتكم عن تفاعل نجيب محفوظ مع موضوعاته؟

ج- لأ لأ لأ، نجيب محفوظ عاش طول عمره مؤدب، عمره ما انفعل على حد، ولا قل أدبه على أي مخلوق، تقوم تقولي ينفعل ويتفاعل الراجل حتى في كلامه العادي وفي خطبه كان عادي جدًّا لا ينفعل على أحد. تقوم سيادتك جاي تقول لي ينفعل ومينفعلشي؟!!!!!



س- طيب سؤال آخر: ماذا بقي من نجيب محفوظ؟

ج- إيه السؤال الغريب الساذج ده؟! الراجل مات، واندفن، وشبع موت، مفضلشي منه حاجة!!



س- طيب سؤال آخر: ما الأثر الذي تركه ويتركه نجيب محفوظ في جيلنا والأجيال القادمة؟

ج- (في غضب وهياج) إيه الكلام الفارغ اللي أنت بتقوله ده؟!! أنت مسلم مؤمن بالله؟! أنت يا أخي مش عارف إن الغيب لا يعلمه إلا الله؟!!



يعني أنت عايزني أفوت على كل مصري وكل عربي، واسأله: "نجيب محفوظ ساب في نفسك أثر إيه؟". هوَّ أنا فاضي عشان أسأل ده، وأسأل ده؟!!. وأنا مالي يا أخي ومال ساب ولا ماسبشي، لا لا لأ سؤال هايف لذلك أقول لك كفاية بقى ومع السلامة.



س- لكن يا فندم.... أصْـل الـ..

ج- (في غضب وهياج) لا أصل.. ولا فصل.. إنت ليه لتات وعجَّان.. زي بتوع "المحظورة"؟؟!!. خلاص كفاية كده.. مع السلامة.



***********

وغادرت قصر الرأس الكبير جدًّا، وأنا أحمد الله سبحانه وتعالى إذ مكنني من الظفر بأغرب تحقيق مع هذا الرأس الكبير، جدًّا، جدًّا، مع ملاحظة أنني سجلت حرفيًّا كل ما نطق به، وكله بالعامية. ورحم الله عمنا سيبويه.


مع الملاحظه يجماعه مفيش حد اسمه جابر قميحه بس ده اسم مستعار عشان التساؤلات القانونيه وكده


واتمني من الله ان تستفيــــدوا
من هذا الموضوع

وارجو سرعه الردود

لان رأيكم يهمنا

ولاتبخلو علينا ولو بكلمه شكرا



وجزاكم الله خيرا

ebrahimovic_2008@yahoo.com
[/center]
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

حوار مسؤل :: تعاليق

avatar
رد: حوار مسؤل
مُساهمة في السبت أكتوبر 24, 2009 11:18 pm من طرف noga
[i] المنتدى ياجماعه اسمه ابداع شباب مش شباب ابداع محدش يسمع للواد دا كل شويه يطلع بكلمه من شكل


بس يالا بقى الواد دا عامل شغل جامد فى المنتدى وموضوعاته شكلها حلوه فايلا بقى معلشى هنحاول نستحمله

ونقوله مشكور يا هيما على موضوعاتك التحفه دى ربنا يكتر من امثالك بس بعيد فى بلاد تانيه يعنى حيث التقدم والرقى
avatar
رد: حوار مسؤل
مُساهمة في الأحد أكتوبر 25, 2009 3:21 am من طرف ebrahimovic
مشكوووووووووووورعلي المرور الجميل ليكي يانوجا
 

حوار مسؤل

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابداع شباب :: النقاش العام :: احاديث انسان-
انتقل الى: