ابداع شباب

ابداع شباب


 
الرئيسيةبحـثالتسجيلدخول
وحشتونى وحشتونى وحشتونى وحشتووووووووووووووووووووووونى
اهلا وسهلا باعضاء وزوار منتدى ابداع شباب
اهلا اهلا بالعيد
كل سنه وانتوا طيبين عيد سعيد
انتو فين يجماعه عاوز اشوف جهدكم المتميز وارجو المزاكره الجيده بردو عشان الامتحانات قربت

شاطر | 
 

 ياريت نطبق الكلام دا

اذهب الى الأسفل 
كاتب الموضوعرسالة
soso



عدد المساهمات : 38
تاريخ التسجيل : 26/10/2009
العمر : 29
الموقع : http://as7aaab4ever.yoo7.com/forum.htm

مُساهمةموضوع: ياريت نطبق الكلام دا   السبت أكتوبر 31, 2009 3:25 am

السلام عليكم ورحمة الله


.........


من افكار البرنامج



ذاكر درسك أولا فأول



الموضوع عبارة هنكتب فيه طرق المذاكرة الجيدة والفعالة


وكل عضو لو ليه طريقة كويس يكتبها


هنسأل بعض فى هذا الموضوع عن اخبارنا فى المذاكرة



ويكون تشجيع لينا



وفى نقطة مهمة فى ناس كتير مش بتحب المذاكرة وبتمل منها



هنحاول نكتب ........((طرق تجعلك تحب المذاكرة))



لان المذاكرة لازم تحبها عشان هى تحبك



وفى نفس الموضوع .... اكتب ما انجزته



كل فترة اسبوع او 10 ايام هنكتب فيها وصلنا لفين فى المذاكرة



عملت الشتيات؟ ذاكرت كم من المواد وكميتها؟



ولو نفذنا ده هيكون له تاثير كبير علينا كلنا






باذن الله هنا هنحاول نطبق الفكرة دى


واتمنى كل عضو وعضوة فى اداب وخارجها يشاركنا


فى بعض الناس مع نفسها كده هتقول مذاكرة ايه بس؟
انا بكره حاجة اسمها مذاكرة


احنا عاملين الموضوع لهذا السبب
وتشجيع لينا كلنا


بتكره المذاكرة .. هتحبها
ازاى


تعالى هقلك


وامشى معايا واحدة... واحدة ...



بتحب المذاكرة ومتفوق بالله عليك ..


ادخلنا فيدنا وقول لينا على طريقتك فى المذاكرة


ما تبخلش علينا ده احنا اخوات فى الله
والدال على الخير كفاعله



يلا نبتدى ................






















































--------------------------------------------------------------------------------


تحب تعرف أفضل الطرق للمذاكرة؟
تحب تشوف الذاكرة بتاعتنا ماشية ازاي؟
تحب تخلي ذاكرتك دي طوع إرادتك؟







طبعا الكلمة دي بتعمل عندنا قلق والبيت كله بيعلن حالة الطوارئ القصوى.. خصوصا لو كان في البيت واحد عليه امتحانات. مش كده؟



النهارده هاقول لك أفكار رائعة هتساعدك وإنت بتذاكر..

الأفكار دي هتساعدك تعرف أفضل الطرق للمذاكرة وتثبيت المعلومات.. خلي بالك إن كاتب السطور مجربةالحاجات دي قبل ما أقولها لكم.. وإن شاء الله كلنا نجيب تقديرات ونكون كلنا متفوقين...








أنواع الذاكرة


عشان نعرف نذاكر لازم نعرف الأول الذاكرة بتاعتنا بتشتغل ازاي.. وعن طريق معرفتنا دي ممكن نستخدمها أفضل استخدام..


الذاكرة أيها السادة نوعان.. ذاكرة قصيرة الأمد، وأخرى طويلة الأمد.


1- الذاكرة قصيرة الأمد..



النوع ده من الذاكرة هو اللي متخزن فيه المعلومات العابرة خلال اليوم..


فطرت إيه النهارده؟
عملت إيه امبارح؟
المعلومات دي بتبقى معانا لفترة قصيرة وبعدين ممكن تنساها... لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين!
الذاكرة قصيرة الأمد بتتخزن بسرعة عن طريق العقل اللاواعي..
والذاكرة قصيرة الأمد دي سعتها 7 زائد أو ناقص معلومتين في المرة الواحدة..
عايز تعرف ازاي؟
يبقى العب معايا اللعبة دي:


احفظ الرقم اللي هيظهر قدامك ده:
123313414515
ماعرفتش تحفظه؟ عادى....
الرقم اللي قريناه من شوية ده.. ماعرفناش نحفظه بسرعة عشان زي ما قلت لك.. الذاكرة قصيرة الأمد بتشيل بس 7 معلومات زائد أو ناقص اتنين (من 5 إلى 9 معلومات في المرة)..


فالرقم اللي شفناه ده مكون من 12 رقما.. يعني 12 معلومة.. عشان كده صعب على الذاكرة قصيرة الأمد إنها تشيله..


يبقى إيه الحل؟
عشان تحط الرقم ده بسهولة في الذاكرة قصيرة الأمد.. ممكن تلعب لعبة جامدة جدا.. ممكن بدل ما تخليه 12 معلومة.. تخليه 4 معلومات بس!



عارف ازاي؟
بص على نفس الرقم لما كتبناه بأسلوب تاني:
123
313
414
515
سهل يتحفظ كده.. صح؟
كل اللي عملناه إننا قسمنا الرقم بشكل تاني.. بحيث نحفظ كل شوية مع بعض (مش رقم رقم زي الأول.. الرقم الطويل بقى 4 معلومات بس.. فبقى أسهل!


قاعدة مهمة:
عشان تعرف تحفظ.. قسم المعلومات الكبيرة بطريقة سهلة الحفظ..


واربط بين المعلومات وبعضها عشان تحفظها

أسهل..









2- الذاكرة طويلة الأمد..
دي الذاكرة اللي بتشيل المعلومات المهمة جدا اللي من الصعب جدا إنها تتنسي..
اسمك إيه؟
رقم تليفونك كام؟
وكده يعني..
والذاكرة دي عشان تتكون لازم تقوم بشوية مجهود في الأول.. بعد كده هتثبت بطريقة رائعة..
وهي دي المذاكرة بقى..




يعني إيه مذاكرة؟
المذاكرة دي ببساطة هي إنك تنقل المعلومات من الذاكرة قصيرة الأمد، للذاكرة طويلة الأمد.. عشان كده لما حد يقول لك: عايزك تحفظ الدرس ده زي اسمك، يبقى كأنه بيقول لك: عايزك تحفظ الدرس ده بالذاكرة طويلة الأمد!



لكن لو ذاكرت درس ونسيته تاني يوم.. تبقى بتستخدم الذاكرة قصيرة الأمد بس.









ازاي ننقل المعلومات للذاكرة طويلة الأمد؟
عشان ننقل المعلومات للذاكرة طويلة الأمد لازم نقوم ببعض المجهود زي ما قلنا.. لكن النتيجة بتكون رائعة..



1-التكرار:
هيخلّي عقلك يتعامل مع المعلومة باهتمام لأنها بتتكرر.. تبقى مهمة بالنسبة لك..



2-استخدام مراكز المخ المختلفة:
الطريقة دي مؤثرة وفعالة جدا..
- إنت بتذاكر بعينك: يعني مراكز الإبصار في المخ اشتغلت على المعلومة دي..
- اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي..
- سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة لو كنت
بتسمّع بصوت..


بالطريقة دي المعلومة تغلغلت جواك بأكتر من طريقة.. يبقى ألف مبروك!



3-الحالة الذهنية:
وإنت بتذاكر المعلومة حط في دماغك إنك بتذاكرها عشان تفضل على طول وتفيدك طول حياتك.. لو ذاكرتها على اعتبار إنها معلومة مؤقتة عايزها للامتحان بس, عقلك هيتعامل معاها على إنها معلومة تافهة ويحطها في الذاكرة قصيرة الأمد زي ما إنت طلبت منه!
تخيل إنك بتحفظ المعلومات دي لأنك هتحتاجها بعد سنين طويلة.. تخيل كده مش هتخسر حاجة.. وهتندهش من النتيجة الرائعة اللي هتتحقق..
بالطرق دي هتلاقي إن اللي حفظته ده هينتقل للذاكرة طويلة الأمد وهتلاقي نفسك حققت النتيجة اللي إنت عايزها.. وابقى ادعيلى..
مش كده وبس.. فيه طرق تانية هتساعدك على المذاكرة هنقولها العدد الجاي.. بس اهتم بدول قوي لأنهم مهمين
الرجوع الى أعلى الصفحة اذهب الى الأسفل
zero.call



عدد المساهمات : 74
تاريخ التسجيل : 27/10/2009

مُساهمةموضوع: رد: ياريت نطبق الكلام دا   السبت أكتوبر 31, 2009 5:42 am

بسم الله ماشاء الله


موضوع جميل ومميز ويارب دايما
الرجوع الى أعلى الصفحة اذهب الى الأسفل
basbosaaa



عدد المساهمات : 27
تاريخ التسجيل : 26/10/2009
العمر : 32

مُساهمةموضوع: رد: ياريت نطبق الكلام دا   الأحد نوفمبر 01, 2009 11:40 pm

اية ياسوسو الكلام دا هو حلو اه
بس طويل اووووى انا نسيت الكلام الى قراتة فى الاول
بس اقولك انا هكتب فى ورقة عشان منساش
عموما شكرا على النصيحة الغالية
واوعدك هعمل بيها
الرجوع الى أعلى الصفحة اذهب الى الأسفل
ebrahimovic
المدير
المدير
avatar

عدد المساهمات : 301
تاريخ التسجيل : 23/10/2009
العمر : 30
الموقع : islamway.com

مُساهمةموضوع: رد: ياريت نطبق الكلام دا   الإثنين نوفمبر 02, 2009 1:22 am

علي فكره يابسبوسه انتي من النوع اللي زاكرته قصيره الامد عشان انتي نسيتي اللي قرتيه من لاحظات

مش شرط الموضوع يبقي طويل طالما معلوماته مفيده مينفعش نجزئها عشان تخش في الزهن مباشره

وبشكرك يابرنسيسه المنتدي ياااااااااااااااااااااااااااااا استاذه سمر واتمنالك دوام التوفيق والاجتهاد


جزاكي الله خيرااااااااااااااااااااااااااااااااااااااااااااااااا

_________________
ابراهيموفيتش
الفتي
الزهبي
الرجوع الى أعلى الصفحة اذهب الى الأسفل
soso



عدد المساهمات : 38
تاريخ التسجيل : 26/10/2009
العمر : 29
الموقع : http://as7aaab4ever.yoo7.com/forum.htm

مُساهمةموضوع: رد: ياريت نطبق الكلام دا   الإثنين نوفمبر 02, 2009 8:57 pm

شكرا ياجماعه للى اهتموا وردوا
شكرا يابوسى عندك حق هو طول بس انا عاوزاكوا تركزا اهم حاجه على الكلام اللى فوق خالص
وعاوزه بدل كلمة الشكر نبتدى يعنى

كل فترة اسبوع او 10 ايام هنكتب فيها وصلنا لفين فى المذاكرة



عملت الشتيات؟ ذاكرت كم من المواد وكميتها؟



ولو نفذنا ده هيكون له تاثير كبير علينا كلنا
هو دا اهم رد عندى عاوزه ردكوا عليه وهنبدا امتى اوكىىىىىىىىىى؟؟؟
الرجوع الى أعلى الصفحة اذهب الى الأسفل
ebrahimovic
المدير
المدير
avatar

عدد المساهمات : 301
تاريخ التسجيل : 23/10/2009
العمر : 30
الموقع : islamway.com

مُساهمةموضوع: رد: ياريت نطبق الكلام دا   الثلاثاء نوفمبر 03, 2009 3:34 am

انا علي فكره يجماع هبدا بكره ان شاء الله تعالي بماده التكاليف


وشكراااااااااااااااااااااااااا ليكي اسمر علي مجهودك الرائع



_________________
ابراهيموفيتش
الفتي
الزهبي
الرجوع الى أعلى الصفحة اذهب الى الأسفل
 
ياريت نطبق الكلام دا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابداع شباب :: القسم التعليمى :: اخبار تجاره طنطا-
انتقل الى: